طاجن البسلة بالبشاميل واللحمة المفرومة

زيّني صينية البسلة بالبقدونس عند التقديم

النهارده هنعمل البسلة بطريقة جديدة جرّبيها معانا وابعتي لنا رأيك فيها، وماتنسيش تبعتي لنا كل الوصفات اللي عايزة تعرفيها...

طاجن البسلة بالبشاميل اللحمة المفرومة
المقادير:

¼ كيلو بسلة
¼ كيلو لحمة مفرومة معصّجة
جزرة كبيرة مقطعة مكعبات صغيرة
3 ملعقة كبيرة صلصة طماطم
ملعقة كبيرة ثوم مفروم
2 ثمرة بصل مفروم
ملعقة كبيرة زيت
ملعقة بهارات
ملح وفلفل
كوب ميه
بشاميل

الطريقة:
1- حطّي ملعقة الزيت في حلة، وشوّحي فيها البصل المفروم والثوم، وبعد كده حطي شرائح الجزر وقلّبيهم كويس.

2-
ضيفي ملعقتين من صلصة الطماطم واستمري في التقليب، وبعد كده حطّي البسلة
والميه والملح والبهارات، وسيبيهم شوية على النار لغاية ما البسلة تدخل في
السوى.

3- حطّي البسلة في صينية، وضيفي عليها اللحمة المفرومة وباقي
صلصة الطماطم وقلّبيهم كلهم مع بعض، وبعد كده صبّي عليها مقدار من
البشاميل بحيث يغطّيها بالكامل وعلى الوش حطّي ببضة مخفوقة مع ملح وفلفل،
ودخّلي الصينية في الفرن، ولمّا تحسّي إن البشاميل بقى لونه دهبي،
طلّعيها.. وبالهنا والشفا.

ملحوظة:
لمعرفة طريقة البشاميل.. اضغطي هنا

وبكده تكون خلصت وصفتنا النهارده..
نتمنّى إنكم تجرّبوها وتبعتوا تقولوا لنا رأيكم فيها..
وكمان لو عندك أي وصفة عايزة تعرفيها ممكن تبعتي لنا..
وإحنا هنقدّمها لك في أقرب وقت..

» طاجن المسقعة باللحمة المفرومة
» طاجن البادنجان باللحم
» طريقة عمل مكرونة بالبشاميل
» طاجن البامية باللحمة الضاني
» بطاطس محشية بالحمة المفرومة