حمام محشي بالرز وعين الجمل

لكل أصدقائنا اللي طلبوا إننا نقدّم لهم طريقة عمل الحمام المحشي، اعرفوا الطريقة معانا على "سفرة دايمة".. يا ريت تجرّبوها وتبعتوا لنا رأيكم فيها..

حمام محشي بالرز وعين الجمل
المقادير:
كوب رز
4 حمَامات
4 بصلات مفرومين
3 ملعقة صغيرة زبدة
½ ملعقة صغيرة قرفة
½ ملعقة صغيرة كمون
½ ملعقة صغيرة بهارات
½ كوب عين جمل مبشور
3 كوب ميه
علبة زبادي
2 ملعقة كبيرة زيت

مية السلق:
كمية مناسبة من المية للسلق
2 عود كرفس مفرومين
بصلة مقطّعة
ملح وفلفل
2 ثمرة جزر
2 ورقة لاورا
زعتر

الطريقة:
1- اغسلي الحمام كويس أوي بالملح والخل.

2- لتحضير خلطة الأرز للحشو؛ شوّحي
البصل في الزبدة لغاية ما يبقى لونها دهبي، وبعد كده تبّليها بالكمون
والبهارات والقرفة، وبعدين ضيفي مقدار المية، وسيبيهم على النار لغاية ما
المية تغلي، وبعد كده ضيفي الرز والملح، وسيبيه يستوي على نار هادية، وأول
ما يدخل في السوى ضيفي عليه عين الجمل المجروش، وسيبيهم على النار لغاية ما
الرز يستوي.

3- حطّي خليط الرز ده في الثلاجة؛ علشان لما تحشي به الحمام مايتهريش في السلق.

4- بعد كده احشي الحمام بكمية مناسبة من الرز، ولفّيه بورق الفويل.

5- حطي الحمام في مية السلق بعد ما تضيفي عليه كل المكونات اللي قلنا عليها، وسيبيه لمدة 30 دقيقة على نار هادية.

6- بعد ما الحمام يتسلق طلّعيه وحطّيه في صينية وادهنيه من على الوش بالزبادي والزيت، ودخّليه الفرن لحد ما الوش يتحمرّ.

7- حطّي الحمام في طبق التقديم وادهنيه بكمية صغيرة من الزبدة علشان يبقى الوش بيلمع.. وبالهنا والشفا.

ملحوظة: لو
عايزة تعملي حمام محشي فريك، ممكن تستبدلي نفس كمية الرز بالفريك، بس لازم
تنقعيه في المية لمدة 10 دقائق، وبعد كده اخلطيه مع الملح والفلفل والقرفة
والبصلة مفرومة وملعقة زيت زيتون، وبعد كده قلّبي الخليط ده على النار،
وضيفي عليه نصف كوب شوربة، وسيبيه يستوي نصف سوى علشان لمّا تحشي به الحمام
يكمل سواه وهو بيتسلق.

تسلم ايدك ياست غالية هههههههههههههههههههه

» محشي ورق العنب
» فوائد حليب النوق أو لبن الناقه( انثى الجمل)
» ديكو رات حمام
» ديكورات حمام خيال
» ديكورات حمام خيال