لحمة محشية على الطريقة الإسبانية

النهارده هنقدّم لكِ وصفة جديدة وسهلة على "سفرة دايمة "؛ علشان تجددي بيها سفرتك وهي اللحمة المحشية على الطريقة الإسبانية..

شرائح اللحمة المحشية
المقادير:
½1 شرائح لحمة بقري (لحمة فيليه)
¼ كوب لوز مقشّر ومفروم
½ كوب زيتون أخضر مفروم
ملعقة كبيرة زيت زيتون
3 كوب عصير برتقال
كوب شوربة لحمة
ملعقة صغيرة قرفة
2 ملعقة كبيرة صلصة طماطم
عيدان خشب (أعواد خل)

الطريقة:
1- اخلطي اللوز المفروم مع الزيتون الأخضر والقرفة، وقلّبيهم كويس مع بعض.

2- احشي شرائح الفيليه بالخليط ده، ولفيها على شكل أسطواني، واقفلي الأطراف بعيدان الخشب.

3- شوّحي الفيليه في زيت الزيتون الساخن لمدة 5 دقائق على نار مرتفعة؛ لغاية ما يبقى لونه ذهبي من كل الجوانب.

4- ضيفي عصير البرتقال وشوربة اللحمة وصلصة الطماطم على الفيليه، وسيبيها على النار لغاية ما الشوربة تغلي.

5- غطي الطاسة وسيبيها على نار هادية لمدة 40 دقيقة أو لغاية ما الفيليه يستوي.

6- ارفعي الفيليه من الشوربة، وسيبيها تغلي شوية على النار لغاية لما تتقل، وبعد كده ارفعيها من على النار.

7- هاتي الفيليه وقطعيه شرائح، وصبّي فوقه الصوص بعد ما ترفعيه من على النار، وقدّميه ساخن.. وبالهنا والشفا.

المنتدى غير مسئول عن وضع المواضيغ المتماثلة التى مخلة بالاداب العامة لمنتدى الاستاذ رجب ابو الدهب

ونحمد الله أن ادارة أحلى منتدى قامت بالغاء هذا الموضوع وأصبح ليس له وجود

شكرا لادارة أحلى منتدى

» بطاطس محشية بالحمة المفرومة
» بطاطس محشية باللحمة المفرومة على طريقة "دعاء"
» طبق أم على الطريقة المصرية
» سلطة الفتوش على الطريقة السورية
» فاصوليا بيضاء على الطريقة الإيطالية