طاجن المسقعة باللحمة المفرومة

كل يوم بنقدّم لكم أكلة جديدة على "سفرة دايمة"، وعلشان أوقات كتير بنبقى عايزين نرجع لأكلاتنا المصرية المميّزة؛ النهارده هنعمل طاجن المسقعة باللحمة المفرومة.

مسقعة باللحمة المفرومة
المقادير:
كيلو باذنجان رومي
½ كيلو لحمة مفرومة
2 كوب صلصة طماطم
ملعقة صغيرة ثوم مفروم
3 ثمرة فلفل رومي مقطّع صغير
2 ملعقة كبيرة زيت
2 بصلة مفرومة
ملح وفلفل

الطريقة:
1- شوّحي البصل في الزيت لغاية ما لونه يصفرّ، وبعد كده ضيفي عليه الفلفل الرومي، وقلّبيهم مع بعض شوية.

2-
بعد كده ضيفي اللحمة المفرومة، واستمري في التقليب لغاية ما اللحمة يبقى
لونها بني، وبعدين ضيفي عليها الملح والفلفل والبهارات، وسيبي اللحمة على
نار هادية لغاية ما تستوي.

3- قطّعي الباذنجان شرائح، ورشي عليه شوية ملح وسيبيه شوية، وبعد كده حمّريه في زيت غزير.

4- رصّي نصف كمية الباذنجان في قالب أو صينية، وبعد كده حطي عليها اللحمة المفرومة ووزّعيها كويس، وبعدين ضيفي باقي كمية الباذنجان.

5-
شوّحي الثوم مع ملعقة زبدة أو زيت في حلة على النار لغاية ما يبقى لونه
دهبي، وبعد كده ضيفي عليه صلصة الطماطم وسيبيها تتسبّك على نار هادية،
وتبّليها بالملح والفلفل، وبعد كده حطّي الصلصة دي على الباذنجان، ودخّلي
الصينية في الفرن على درجة حرارة متوسطة لمدة 30 دقيقة.. وبالهنا والشفا.

» طاجن البامية باللحمة الضاني
» طاجن البسلة بالبشاميل واللحمة المفرومة
» بطاطس محشية باللحمة المفرومة على طريقة "دعاء"
» طاجن البادنجان باللحم
» بطاطس محشية بالحمة المفرومة