سلطة الفتوش على الطريقة السورية

حطّي السلطة في طبق التقديم وعليها مكعبات العيش

لكل اللي طلبوا منّا طريقة عمل سلطة الفتوش، النهارده جبنا لكم الطريقة
السورية لتحضير سلطة الفتوش، علشان تعملي لعيلتك طبق سلطة مميّز وصحي،
وتقدري تاكليه مع الريجيم.. جرّبيها معانا.. وماتنسيش تبعتي لنا رأيك فيها
وكل الوصفات اللي عايزة تعرفيها..

سلطة الفتوش
المقادير:
2 ثمرة خيار
2 خس بلدي
2 ثمرة طماطم
ملح وفلفل أسود
2 ثمرة فجل أحمر
4 عيدان بصل أخضر
¼ كوب زيت زيتون
¼ كوب عصير ليمون
رغيف محمّص ومقطّع مكعبات
ملعقة كبيرة سماق (هتلاقيه عند العطار)

الطريقة:
1- قطّعي كل الخضراوات مكعبات صغيرة ومقاسها يكون متساوي.

2- اخلطي عصير الليمون ونصف كمية الزيت والسماق والملح والفلفل في طبق غويط، وقلّبيهم مع بعض كويس.

3- ضيفي الخضار المقطّع على الصوص اللي حضّرتيه، واخلطيهم مع بعض كويس.

4- حطّي السلطة في طبق التقديم، وعلى الوش ضيفي مكعبات العيش وباقي زيت الزيتون.. وبالهنا والشفا.

» طبق أم على الطريقة المصرية
» طريقة عمل سلطة الفواكه
» سلطة الخضار بالمايونيز
» طريقة عمل سلطة الجمبري
» سلطة مكرونة بالطماطم والنعناع