بطاطس محشية باللحمة المفرومة على طريقة "دعاء"

ممكن تزيني البطاطس بالبقدونس

النهارده هنقدّم لكم البطاطس المحشية باللحمة المفرومة على طريقة
صديقتنا "دعاء"، وياريت تجرّبوها.. وتبعتوا تقولوا لنا رأيكم إيه وماتنسيش
لو بتعرفي تعملي أكلة وشاطرة فيها جدا.. إنك تبعتيها لنا على "سفرة دايمة".

بطاطس محشية باللحمة المفرومة
المقادير:
كيلو بطاطس صغيرة ومدوّرة
¼ كيلو لحمة مفرومة معصّجة
3 ثمرة طماطم متوسّطة
2 ملعقة كبيرة زبدة
ملعقة كبيرة صلصة طماطم
كوب شوربة أو مرقة دجاج
بصلة متوسطة مفرومة
بهارات وملح وفلفل

الطريقة:
1-
شوّحي البصلة لحد ما لونها يصفر، وبعد كده ضيفي عليها اللحمة المفرومة،
وحطّي عليها البهارات والملح والفلفل وملعقة صلصة وزوّدي شوية ميه.

2- قشّري البطاطس وقوّريها وشوّحيها في الزبدة على نار هادية جدا عشان تلمع بس.

3- رصّي في الصينية قلب البطاطس، وبعد كده احشي البطاطس باللحمة المفرومة، وحطّيها في نفس الصينية.

4- اضربي الطماطم في الخلاط، وحطّي عليها الملح والفلفل والشوربة، وقلّبيهم على النار لمدة 10 دقائق، وصبّيها فوق البطاطس المحشية.

5- دخّلي الصينية الفرن لحد ما البطاطس تستوي، وممكن تزيّنيها بالبقدونس... وبالهنا والشفا.

وبكده تكون خلصت وصفتنا النهارده..
نتمنّى إنكم تجرّبوها وتبعتوا تقولوا لنا رأيكم فيها..
وكمان لو عندك أي وصفة عايزة تعرفيها ممكن تبعتي لنا..

» بطاطس محشية بالحمة المفرومة
» طاجن المسقعة باللحمة المفرومة
» الكوارع
» لحمة محشية على الطريقة الإسبانية
» بطاطس بيوريه