الاستاذ رجب ابو الدهب
دعوة للإنضمام لأسرتنا
عزيزي الزائر الكريم .. زيارتك لنا أسعدتنا كثيراً ..
و لكن لن تكتمل سعادتنا إلا بانضمامك لأسرتنا ..
لذا نرجوا منك التسجيل
الاستاذ رجب ابو الدهب
دعوة للإنضمام لأسرتنا
عزيزي الزائر الكريم .. زيارتك لنا أسعدتنا كثيراً ..
و لكن لن تكتمل سعادتنا إلا بانضمامك لأسرتنا ..
لذا نرجوا منك التسجيل
الاستاذ رجب ابو الدهب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الاستاذ رجب ابو الدهب


 
الرئيسيةالرئيسية  الأحداث  البوابة*البوابة*  التسجيلالتسجيل  دخولدخول  تسجيل دخول الاعضاءتسجيل دخول الاعضاء  

 

 دين أبونا يا مسلمين

اذهب الى الأسفل 
2 مشترك
كاتب الموضوعرسالة
رجب ابو الدهب
المدير العام
المدير العام
رجب ابو الدهب


ذكر
الجدي
الثور
عدد المساهمات : 1308
السٌّمعَة : 0
تاريخ الميلاد : 28/12/1961
تاريخ التسجيل : 28/02/2010
العمر : 60
الموقع : https://ragab2010.yoo7.com

دين أبونا يا مسلمين Empty
مُساهمةموضوع: دين أبونا يا مسلمين   دين أبونا يا مسلمين Icon_minitime1الأحد يناير 15, 2012 10:48 pm



دين أبونا يا مسلمين

في يقيني

أعز دين

كلمة النور الأمين

كلمة الحق المبين
حكمة يكتبها الإله

فوق جبين الطيبين

دين أبونا يا محمد

انت سره

و مبتداه

انت إحساسه ومداه

دقة عارفينها في قلوبنا

لما نخشع للإله

لما نطلب يوم رضاه

لما نركع

لما نسجد

لما نفرح بالحياة

——

دين أبونا إبراهيم

رش جمر النار حنين

ع الخرايط و الأماكن

اتولدنا طوافين

ذاكرين

—–

دين أبويا لو مسيحي



رحمة لاجل العالمين

نصرة لاجل المظلومين

كلمة الحب اللي بايس

الصليب جوه الكنايس

ندهة الأجراس لمريم

و الأمان للمجدلية

رحمة ليكو

ورحمة ليا

المسيح شايل آلامنا

لاجل يهدينا السلام

خد أيمن

خد أيسر

العبادة مهيش كلام

عيش بإسم الإنسانية

و انسى نية

تدفعك للانتقام

——
دين أبويا دين إلهي

أينما كان اتجاهي

——

حتى لو كان دين يهودي

احنا مش ضد اليهود

موسى في القرآن وليد

يحضنه نيل الخلود

بين إيديه

تسعى عصاته

حية

وجدودنا شهود

سحرة آمنوا برب موسى

انقسم له بحر عاتي والجبل عرف السجود

رجعت الحية عصاية

حضنت التوراة وصايا

إوعى تقتل

إوعى تسرق

إوعى تزني

إوعى تقبل بالخضوع

بحر خير الكون يواتي

لما نفرد له القلوع

و الجحيم ياكل سنينكم

لو فقير فيكم يجوع

الوصايا هي هي

أرتضيها زي ما هي

في ضميري و فوق شفاهي
——
دين أبويا دين إلهي
أينما كان اتجاهي
——


حتى لو كان مش إلهي

المجوسي يترعب من النار و يعبد

الإله اللي في خياله

ليه حرامه و ليه حلاله

تسمعه في معبد دعاء

تلهمة رعشة رجاء

للبقر ناس يعبدوه

و يدينوله بالولاء

مش غباء

تعرفوا في البقرة إيه بيقدسوه ؟

العطاء

——-

دين أبويا

أي دين
——-

فيه عصاة أو مخطئين

بس في نهاية المطاف

فيه ملايكة و مؤمنين

و الرضا للصالحين


و الهنا للصابرين

فيه ملاذ للعابدين الشاكرين

المشتاقين رغم الضياع

لليقين
——

دين أبويا

أي دين
——
اللي انا بقى معرفوش

الوحوش

الكروش

اللي لو طالوا رقابينا

بينهشوا مبيرحموش


دين أبوهم إسمه إيه ؟

اللي داسوا فوق رؤوسنا بالبيادة

اللي مشيوا بالبلاد للبلادة

اللي فتاويهم فساد للعقل

يقضى على العبادة
اللي مسحوا من الآيات معنى الشهادة
دين أبوهم اسمه إيه؟
——

لوثوا الدم في عروقنا

سدوا عين الشمس فوقنا

سرقوا ضوئنا

صادروا نيلنا

و دفّعونا تمن وضوئنا

دين أبوهم اسمه إيه؟

اللي باعوا وطن بحاله

خضرته و صفرة رماله

نسوته و شهوة رجاله

بهجته و دمه و عياله

خطوته و سنين نضاله

ثورته ضد احتلاله
دين أبوهم اسمه إيه؟
——

مين إلهه ؟

مين رسوله؟

فين كتابه؟

فيه ملايكة ولا غابوا؟

فيه شياطين ولا تابوا ؟

لما شافوا التابعين

شرهم زاد عن جهنم شر لا يمكن حسابه

دين أبوهم اسمه إيه؟
——

حتى فرعون اللي صدق

انه من نسل الإله

و اللي قال إنه الإله

كان بيبني الأهرامات للممات قبل الحياة

كان له بعث ويوم حساب

كان له دولة

حضور

إدارة

كان منارة


ترشد الكون للحضارة

كان له جيش فارض وجوده

كان محارب بين جنود

واما يتجاوز حدوده

كان له رب يغرقه وينقذ يهوده
——
حتى فرعون اللي صدق
انه من نسل الإله
و اللي قال انه الإله
كان له كهنة في العلوم
يقروا في كتاب الكواكب
يرصدوا سير النجوم
يفتحوا له سكك بيبان
في سراديب الزمان
و يقولوا له ازاي يدوم
حنّطوه
خلّدوه
بالمعاني و المباني و الرسوم
كانوا كهنة مؤمنين
خلوا كلمة مصر دين

حاضرة في العهد القديم

حاضرة في العهد الجديد

حاضرة في القرآن حضور

الآيات فيها تدور

مفردة عز وجلال

معلنة وبين السطور
تخترع
ثانية وشهور
تخترع شعر وبحور
حتى فلاحها الفصيح
شكوته بتشع نور
——-
إيه يا مصر!
إيه يا أرض الطبيبين!
اللي حكموا في الزمان ده يبقوا مين ؟
دين أبوهم اسمه إيه؟
حد يعرف فيكوا دين
كل أتباعه لصوص أو قوادين ؟

في المعاصي مولودين


في الكراسي مأبدين

في التفاهة معدودين

في السفاهة مفرودين

ع البلاهة مسنودين

للشراهة مجندين

ع القرف متعودين

ع الشرف متمردين

ع الوطن متنمردين

بالخيانة موحدين

اللي يعرف دين كده يقوللي عليه !!!؟؟

دين أبوهم اسمه إيه؟



دين أبونا يا مسلمين Eda8dc2048
الرجوع الى أعلى الصفحة اذهب الى الأسفل
https://ragab2010.yoo7.com
شربات

شربات


انثى
عدد المساهمات : 116
السٌّمعَة : 6
تاريخ التسجيل : 19/11/2010

دين أبونا يا مسلمين Empty
مُساهمةموضوع: رد: دين أبونا يا مسلمين   دين أبونا يا مسلمين Icon_minitime1الأربعاء فبراير 01, 2012 11:28 pm

دين أبونا يا مسلمين 15673
الرجوع الى أعلى الصفحة اذهب الى الأسفل
 
دين أبونا يا مسلمين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الاستاذ رجب ابو الدهب :: منتدى الشعر والبلاغة-
انتقل الى: